ОИЛАДА ЁШЛАРНИНГ СОҒЛОМ ТУРМУШ ТАРЗИ ТЎҒРИСИДАГИ ТАСАВВУРЛАРИ ШАКЛЛАНИШИНИНГ ИЛМИЙ-МЕТОДОЛОГИК АСОСЛАРИ

Бугунги кунда юртимизда баркамол авлодни тарбиялаш масаласи давлат сиёсати даражасига кўтарилди. Мамлакатимизда иқтисодий, ижтимоий, сиёсий ва маънавий жиҳатдан асосланган ўзига хос, мос турмуш тарзи таркиби топмоқда. Бундай барқарор тараққиётни белгиловчи муҳим омил – соғлом ҳаёт, миллат саломатлигидир. Унинг пойдевори оилада қўйилади. Шу боисдан, келажагимиз ворисларининг саломатлигига таъсир этувчи омиллар ҳақидаги билимлар - ёшлар соғлом турмуш тарзи тўғрисидаги тасаввурларни шакллантиришнинг методологик, психологик, педагогик, маънавий-маърифий, тиббий ва гигиеник асосларини яратиш ҳозирги куннинг долзарб муаммоларидан бири ҳисобланади.